The 8 Funny Characters

 #The 8 Funny Characters 

👇یوٹیوب  پر دیکھنے کے لیے کلک کریں ۔ 

 FUNNY CHARACTERS

چچا چھکن

Chacha Chhakkan

 چچا چھکن کی تخلیق امتیاز علی تاج نے کی ۔ چچا چھکن ایک مزاحیہ کردار ہے۔ وہ خود کو ہر چیز کا ماسٹر خیال کرتے ہیں اور جب اپنی ماسٹری دکھانے کیلئے کوئی کام شروع کرتے ہیں تو وہ کام اس کے بر عکس ہوجاتا ہے۔ چچا چھکن ۲ منٹ سے زیادہ کسی کی بات نہیں سنتے۔ ہر چیز میں مین میخ نکالنا ان کی عادت ہے۔ بات کاٹے بغیر ان سے رہا نہیں جاتا۔

 

چارلی چیپلن

Charlie Chaplin

 چارلی چیپلن خاموش فلموں کے عظیم فنکار تھے۔ جن کا کردار ’’دی ٹرمپ ‘‘ دنیا بھر میں مشہور ہوا۔ ان کی مزاحیہ حرکات کے پیچھے ہمیشہ ایک گہر اسماجی پیغام چھپا ہوتا تھا۔ وہ اپنے منفرد انداز چال اور چھوٹی چھوٹی شرارتوں سے ناظرین کو ہنساتے بھی اور سوچنے پر مجبور بھی کرتے تھے۔ وہ مزاح کوانسانیت کے دکھ درد بیان کرنے کا مؤثر ذریعہ بناتے تھے۔

 منشی منقى

Munshi Munaqqa

 منشی منفی ایک فرضی کردار ہے۔ جو بچوں کے ادب میں خاص مقام رکھتا ہے۔ یہ کردار اکثر مزاحیہ کہانیوں میں پیش کیا جاتا ہے۔ وہ اپنے بھولے پن اور روزمرہ معمولات میں الجھے ہونے کی وجہ سے مشہور ہیں۔ منشی صاحب کا اصل نام تو کہیں درج نہیں ہے لیکن وہ قصبے بھر میں منشی منقی کے نام سے مشہور تھے۔ اس کردار پر مبنی کہانیاں محمد یونس حسرت نے لکھی ہیں۔

 مسٹر ميكاوبر

Mr. Micawber

 چارلس ڈکنز کا یہ مشہور مزاحیہ کردار ہمیشہ قرض اور غربت میں ڈوبا رہتا ہے۔ لیکن امید کا دامن نہیں چھوڑتا۔ اس کی غیر حقیقت پسندانہ سوچ مزاحیہ صورت حال پیدا کرتی ہے۔ ڈکنز نے اسے امید اور مزاح کا استعارہ بنایا ہے۔ یہ کردار انسانی فطرت کی کمزوریوں اور خوش فہمیوں کی عکاسی کرتا ہے۔ اس کی معصومیت اور پر امید رویہ قاری کو ہنسنے پر مجبور کرتا ہے۔

  میاں خوجی

Miyan Khoji

 میاں خوجی مشہور اردو ناول فسانہ آزاد کا اہم کردار ہے۔ جس کو رتن ناتھ سرشار نے تخلیق کیا ہے۔ میاں خوجی عام طور پر ایک وفادار، مزاحیہ اور دنیا سے بے خبر شخص کے طور پر پیش کیا جاتا ہے جو آزاد ( ناول کا مرکزی کردار ) کے ساتھ ہر مشکل میں کھڑا رہتا ہے اور اپنے بے ساختہ پن اور مذاق سے ماحول کو خوشگوار بناتا ہے۔ یہ کردار پورے ناول پر چھایا ہوا ہے۔

 مسٹربین

Mr. Bean

 مسٹر بین برطانوی اداکار روون ایٹکنسن کا تخلیق کردہ کردار ہے۔ جس نے جدید دور میں خاموش مزاح کو دوبارہ زندہ کیا۔ اس کردار کی خاص بات یہ ہے کہ وہ بہت کم بولتا ہے لیکن اپنی حرکات، چہروں کے تاثرات اور انوکھی شرارتوں سے سب کو ہنسا دیتا ہے۔ یہی وجہ ہے کہ سبھی عمر کے افراد مسٹر بین کو یکساں پسند کرتے ہیں۔ اس کردار کی مقبولیت آج بھی برقرار ہے۔

 ملا نصر الدين

Mulla Nasruddin

 ملا نصیر الدین، ترکی کے ایک مسخرے تھے۔ وہ ۱۳ ویں صدی کے مشہور درویش اور ذہین انسان تھے۔ ان کی قبر ترکی کے شہر قونیہ کے قریب ایک شہر میں ہے۔ ملا نصر الدین روایتی قصوں اور حکایات کا ایک مشہور کردار ہے جو کئی زبانوں کے ادب میں موجود ہے۔ نصر الدین اپنی حاضر جوابی اور الٹی سیدهی منطق سے دوسروں کو حیران اور محظوظ کرتا ہے۔

 لورل اینڈ ہارڈی

 Laurel and Hardy

 لورل اینڈ ہارڈی ہالی ووڈ کی مشہور مزاحیہ جوڑی تھی جن میں ایک دبلا پتلا اور دوسرا موٹا کردار دکھایا جاتا تھا۔ ان کی مزاحیہ کہانیاں زیادہ تر غلط فہمیوں، ضد اور چھوٹی چھوٹی بے وقوفیوں پر مبنی ہوتیں۔ یہی ان کی معصومیت اور نرالا انداز تھا جو ہر عمر کے ناظرین کو بھاتا رہا۔ ان کی جوڑی نے خاموش فلموں سے لے کر بولتی فلموں تک مزاح کونئی پہچان دی۔

Subscribe 

AreeB TLM 

☝Click Here